Biltúrurin

Biltúrurin 1: Koyrt verður í Vágum
17-06-2024
Fyrsti biltúrurin verður koyrdur við Holgari Jacobsen úr Bø heim til Sørvágs, har hann altíð hevur búð. Náttúran og lívið eru honum ein fragd, men hann kennir eisini til sorg.

Eisini hetta summarið koyra vit mánadagar kl. 17.05 biltúr og práta. Gestirnir hava allir tilknýti til umhvørvið har koyrt verður, tó ein túrur verður ein ferð úr Havn til Klaksvíkar. Vitjað verður í fleiri oyggum og byrjað verður í dag í Vágum. Holgar Jacobsen sigur frá gleðiligum løtum, døprum hendingum, tónleiki, og vakrari náttúru. Tvey av hansara løgum verða eisini at hoyra í sendingini. 

 

Biltúrurin

Biltúrurin er eitt øðrvísi slag av túri. Hesin túrurin verður ikki gingin, men koyrdur saman einum fólki, ið hevur hug at tosa um sín heimstað og sítt lív.

Í ellivu sendingum gevur Jákup Magnussen okkum møguleikan at hoyra áhugaverd fólk úr fleiri oyggjum siga frá. Innihaldsliga verða fleiri av 'Biltúrurum' rættiliga søguligir, meðan aðrir bjóða prát um nútíðina, mentanina, listina, ella tankar um lívið.

Biltúrurin 11: Koyrt verður á Tvøroyri
Seinasti biltúrurin í summar er við Bjarna Nygaard, sum er trivnaðarfólk á Tvøroyri. Hann greiðir frá menningini seinastu árini, eins og tosað verður um søguna og framtíðina.
02-09-2024
Biltúrurin 10: Koyrt verður úr Eysturoynni til Klaksvíkar (2/2)
Í fyrru sendingini við Maud Matras og Bárður Næs var farið úr Havn til Klaksvíkar. Men mongu søgurnar og ein vitjan á bensinstøð gjørdu, at málið ikki varð rokkið.
26-08-2024
Biltúrurin 9: Koyrt verður úr Havn og norðureftir (1:2)
Maud Matras og Bárður Næs verða í bilinum, tá koyrt veður norðureftir at vitja familju í Klaksvík, men góða lagið ger, at henda fyrra sendingin endar í Norðragøtu.
19-08-2024
Biltúrurin 8: Koyrt verður heima á Sandi
Biltúrurin hesa ferð er á Sandi, og gestur er Hanna á Reynatúgvu, sum sigur frá sínum heimstað, ið henni longdist aftur til, sama um tunnil varð gjørdur ella ikki.
12-08-2024
Biltúrurin 7: Koyrt verður frá Bø heim til Kirkjubøar (2:2)
Í dag hitta vit bæði seyð og neyt nærhendis gomlu búsetingini á Bø. Men bóndin, Jóannes Patursson, veit eisini at siga frá nógv øðrum forvitnisligum. Seinni partur av frásøgn.
05-08-2024
Biltúrurin 6: Saman við bóndanum á Kirkjubøgarði at geva seyðinum (1:2)
Jóannes Patursson koyrir okkum eina ferð frá Velbstastað til Kirkjubøar og út á Bø, har hann hevur fjós. Hann er góður frásøgumaður og gevur okkum innlit í ymisk viðurskifti.
22-07-2024
Biltúrurin 5: Koyrt verður í Havn
Oda Wilhelmsdóttir Andreasen greiðir frá barnárum, yrkisroyndum, ítrótti, Havnar býi, og stóru langtanini til Mykines, ið hon framvegis vitjar javnan sum ferðafyriskipari.
15-07-2024
Biltúrurin 4: Koyrt verður í Leirvík
Lærarin og fótbóltsdómarin, Petur Reinert, kemur ein túr saman við okkum í hesi vøkru bygd, her sólsetrið í Djúpunum fær fólk at valfarta til Leirvíkar á sumri.
08-07-2024
Biltúrurin 3: Koyrt verður í Sumba og Akrabergi
Talan er um framhald frá síðstu viku, tá Fríðbjørg J. Poulsen førdi okkum gjøgnum Sumba. Í dag verður koyrt niðan til gamla offurstaðin í Hørg, har Pól F. vaks upp.
01-07-2024
Biltúrurin 2: Koyrt verður í Sumba
Fríðbjørg Joensen Poulsen fer at greiða frá bygdini í søgu og nútíð, egnum lívsroyndum, og onkrar kendar sagnir verða eisini tiknar fram. Tað er fyrra av tveimum sendingum.
24-06-2024
Biltúrurin 1: Koyrt verður í Vágum
Fyrsti biltúrurin verður koyrdur við Holgari Jacobsen úr Bø heim til Sørvágs, har hann altíð hevur búð. Náttúran og lívið eru honum ein fragd, men hann kennir eisini til sorg.
17-06-2024
BILTÚRURIN 10: Seinasti túrurin verður koyrdur í Hoyvík og Havn
Gestur er Katrin Joensen-Næs, listakvinna, ið sum 23 ára gomul hevur havt tveir viðurkendar filmar frammi. Prátað verður um ungdómin fyrr og nú, Den Danske Filmskole, o.a.
04-09-2023