Biltúrurin

BILTÚRURIN 1: Koyrt verður í Fámjin
03-07-2023
Henda fyrsta Biltúrin í summar verður koyrt av Øraskarði oman í Fámjins bygd saman við Arna Teindal, ið greiðir frá heimbygdini í søgu og nútíð. Náttúran er eisini eitt evni.

Í summarskránni hjá KVF verður útvarpssendingin, 'Biltúrurin', sendur mánadagar klokkan 17.05 - umframt endursendingar. Talan er veruliga um ein biltúr í ein lítlan tíma, har verturin hevur gest við at siga frá heimstaði sínum.


Samanumtikið fyri alt skeiðið við Biltúrinum, sum varir í tíggju vikur, eru høvuðsevnini: søga, nútíðin, list, filmur, tónleikur, mentan í breiðari merking, sjálvsinnlit, ítróttur, og viðmerkingar til ymiskt, sum gestur og vertur síggja á leiðini.


Sent verður frá 3. juli til 4. september 2023. Fimm kvinnur og fimm menn fara at geva okkum innlit í sín heimstað og seg sjálvan.

 

Biltúrurin

Biltúrurin er eitt øðrvísi slag av túri. Hesin túrurin verður ikki gingin, men koyrdur saman einum fólki, ið hevur hug at tosa um sín heimstað og sítt lív. Í ellivu sendingum gevur Jákup Magnussen okkum møguleikan at hoyra áhugaverd fólk úr fleiri oyggjum siga frá. Innihaldsliga verða fleiri av 'Biltúrurum' rættiliga søguligir, meðan aðrir bjóða prát um nútíðina, mentanina, listina, ella tankar um lívið.
Oda Wilhelmsdóttir Andreasen greiðir frá barnárum, yrkisroyndum, ítrótti, Havnar býi, og stóru langtanini til Mykines, ið hon framvegis vitjar javnan sum ferðafyriskipari.
15-07-2024
Lærarin og fótbóltsdómarin, Petur Reinert, kemur ein túr saman við okkum í hesi vøkru bygd, her sólsetrið í Djúpunum fær fólk at valfarta til Leirvíkar á sumri.
08-07-2024
Talan er um framhald frá síðstu viku, tá Fríðbjørg J. Poulsen førdi okkum gjøgnum Sumba. Í dag verður koyrt niðan til gamla offurstaðin í Hørg, har Pól F. vaks upp.
01-07-2024
Fríðbjørg Joensen Poulsen fer at greiða frá bygdini í søgu og nútíð, egnum lívsroyndum, og onkrar kendar sagnir verða eisini tiknar fram. Tað er fyrra av tveimum sendingum.
24-06-2024
Fyrsti biltúrurin verður koyrdur við Holgari Jacobsen úr Bø heim til Sørvágs, har hann altíð hevur búð. Náttúran og lívið eru honum ein fragd, men hann kennir eisini til sorg.
17-06-2024
Gestur er Katrin Joensen-Næs, listakvinna, ið sum 23 ára gomul hevur havt tveir viðurkendar filmar frammi. Prátað verður um ungdómin fyrr og nú, Den Danske Filmskole, o.a.
04-09-2023
Maud Næs, cand.mag., sigur frá heimbygd síni í søgu og nútíð. Nomið verður við evni sum: kolavinnan, serstaka náttúran, skaðatilburðir, Fiskieiðið, hvalbiarlyndið, Dímum o.a.
28-08-2023
Saman við listamanninum, Helga Midjord, hyggja vit at náttúruni við bygdina. Harumframt greiðir hann frá lívsroyndum og listaligum virksemi. Helgi er útbúgvin skipsførari.
21-08-2023
Fróðamaðurin, Niels Pedersen, sigur frá søguligum viðurskiftum í bygdini, umframt nútíðini, og onkra góða søgu fáa vit eisini frá honum. Fyrr hevði hann el-fyritøku á staðnum.
14-08-2023
Gesturin, Erla Weihe Johannesen, samfelagsfrøðingur, tosar um menningina í Runavík. Men eisini um sambandið við fitta beiggja sín, Elvin, og eitt eymt mál í familjuni, umfr.a.
07-08-2023
Saman við vertinum er Heini Magnussen; havnarmaður við stóra T. Koyrt verður ymstastaðni í kommununi og Heini gevur okkum innlit í søgulig viðurskifti. Men eisini nógv annað.
31-07-2023
Miriam Norðberg greiðir frá barnaárunum á fjarskotna bóndagarðinum. Onnur evni eru: Ítróttarháskúlin; har hon er leiðari, náttúran, bygdalívið, sjálvsinnlit, foreldrini, o.a.
24-07-2023