Søkja skúlastjóra fyri tingmann

Verandi skúlastjóri, Jóhannis Joensen, er í farloyvi, so leingi hann situr á tingi, og tí skal avloysari finnast fyri hann.

Starvið skal setast tann 1. apríl og er í fyrsta umfari talan um eina tvey ára starvssetan, ið tó kann longjast.

Í Sørvágs skúla eru 168 næmingar í 1. til 10. flokk, íroknað  ein serflokk við 12 næmingum.

Har starvast 19 lærarar, tríggir námsfrøðingar, ein stuðul, heilsufrøðingur, kt-vørður, húsavørðir og reingerðarfólk.

Freistin at søkja er 31. mars.