Bretland undir trýsti: Trý lond krevja størri sjálvræði

Bretland undir trýsti: Trý lond krevja størri sjálvræði
Í gjár hittust leiðararnir í Skotlandi, Norðurírlandi og Wales í Cardiff, har teir skrivaðu undir eina yvirlýsing um at arbeiða fyri størri sjálvræði
15.09.2026 - 19:27

Í Skotlandi arbeiðir SNP fyri einum sjálvstøðugum Skotlandi, í Wales hevur Plaid Cymru sama mál, og í Norðurírlandi vil Sinn Féin hava eitt sameint Írland.

Støðan í Norðurírlandi er tó øðrvísi. Langafríggjadagsavtalan frá 1998 staðfestir møguleikan fyri fólkaatkvøðu um eitt sameint Írland, um undirtøka er fyri tí.

Michelle O'Neill, fyrstiráðharri í Norðurírlandi og varaforkvinna í Sinn Féin, sigur, at bretska stjórnin ikki kann velja, hvørjir partar av avtaluni skulu haldast.

– Tey kunnu ikki bara velja og vraka. Hetta er ein altjóða avtala, sum vit hava, og sum vit vilja hava verður hildin, sigur Michelle O'Neill.

Eingin meiriluti fyri loysing

Enn er tó langt á mál, áðrenn Bretland verður býtt sundur. Sambært seinastu kanningunum taka 47 prosent undir við skotskum sjálvstýri, 32 prosent við sjálvstøðu í Wales, meðan 36 prosent í Norðurírlandi vilja hava eitt sameint Írland.

Politiskt er støðan kortini broytt. Bretski forsætisráðharrin, Andy Burnham, hevur gloppað dyrnar fyri einari nýggjari fólkaatkvøðu í Skotlandi, um greið undirtøka verður fyri henni.

Kjarnin í kravinum hjá stjórnarleiðarunum í teimum trimum londunum er, at tað skal vera fólkið sjálvt – og ikki stjórnin í London – sum avger teirra framtíð.

 
Er kopiera
Nýggjastu sendingar í ÚV
Fríggjadag 13. november
Vikuskiftið 13 nov 2026
216396
Fríggjadag 13. november
LEITISSTEIN 13.11.2026 (Anna Katrin Egilstrøð)
216384
Fríggjadag 13. november
Tekstur til tónleik: Vald
216134
Fríggjadag 13. november
Breddin: Miðlastuðul og vitlíki í bókmentum
216363
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Fríggjadag 13. november
Veðrið
216392
Fríggjadag 13. november
Dagur og vika - teknmálstulkað
216364
Hósdag 12. november
Veðrið
216328