Ringt at finna avloysaraskip til Suðuroyarleiðina

Ein avloysari til Suðuroyarleiðina skal finnast, nú Smyril eldist og Galaxy fór í søguna.

Men tað vísir seg ikki at vera lætt. 

Marknaðurin er avmarkaður, og tað er tíðin til at finna eitt hóskandi skip eisini. 

Sum er, skal Smyril á dokk triðja hvørt ár, og tað merkir, at næstuferð er í 2028. 

Og tá skulu nakrar umfatandi umvælingar gerast, tí hóast nýggj støðulýsing av Smyrli vísir á eitt skip, sum heldur í góð tíggju ár aftrat, er tað bert galdandi, um skipið verður hildið árini frameftir. 

Tað snýr seg millum annað um høvuðsmotorarnar, sum skulu skiftast, men eisini køliskipanin, útstoytið og bildekkið krevja umvælingar.

Men fyri at tað kann gerast, má eitt annað skip taka yvir Suðuroyarleiðini í eina tíð. 

Tí er tann endaliga tíðarfreistin, sambært stjóranum í Strandfaraskipum Landsins, um at nærkast, tá Smyril í 2028 skal í dokk næstuferð.