Kvívíkingur við aftur

Ørvur úr Havnar Róðrarfelag og Gullbrandur úr ÍF kappaðust um gullið hjá 8-mannaførunum, tá norðoyastevnuróðurin skeyt kappróðrarsummarið í gongd leygardagin.

Tað kappinginga vann Ørvur, hvørs nýggja manning heldur fram, har gamla manningin - nú á Havnarbátinum - slepti.

Á triðja plássi endaði Kvívíkingur, sum er við fyri fyrstu ferð síðan 2014. Nýggja manningin er ikki úr bygdini, hóast okkurt tilknýti er, men umboðar kortini Kvívíkar Róðrarfelag.

 - Vit fingu at vita, at Kvívíkingur var tøkur, og so spurdu vit okkum fyri, og tað bar til, segði Hans Petur Brekkstein á Kvívíkingi. Hann sigur, at størsti parturin av manningini er úr høvuðsstaðnum, men hóast tað eru kvívíkingar spentir upp nýmannaða 8-mannafarið.

Lopið upp til Ørv er stórt - umleið 10 sekund - og góð sjey sekund eru upp til Gullbrand. Hinvegin var Heiðabáturin hjá NSÍ í hølunum á Kvívíkingi, so spurningurin er, um teir hyggja upp- ella niðureftir á eystanstevnu um smáar tvær vikur.

Sí innslagið um Kvívíking omanfyri.