Nýtt mat- og tilfeingishús

Í Mat- og tilfeingishúsinum, sum kemur at liggja saman við Granskingarsetrinum iNOVA í Havn, skulu burðardyggar loysnir mennast úr føroyskum rávørum, bæði til nýtslu innanlands og til útflutning. Tað sigur Oyvindur av Skarði, fulltrúi í Vinnumálaráðnum. 

Sambært Oyvindi av Skarði, skulu vit gerast meira sjálvbjargin og hugsa nýtt, og landsstýrið hevur longu søkt eftir einum ráðgeva til nýggja Mat- og tilfeingishúsið.

Vit hitta eisini nýggja gartnarin í Veltuni, Kim Neider. Hann hevur fyrr velt grønmeti bæði í Íslandi og Grønlandi og trýr uppá, at Føroyar kunnu gerast sjálvbjargin við grønmeti.