Støðan er hættislig

- Støðan er hættislig.

Soleiðis tók danski forsætisráðharrin, Mette Frederiksen til, tá hon var á veg á norðurlendskan toppfund í Tinganesi.

Á fundinum eru Aksel V. Johannesen, løgmaður, Kristrún Frostadóttir, íslendskur forsætisráðharri, Jens-Frederik Nielsen, grønlendskur landsstýrisformaður, Mette Frederiksen, danskur forsætisráðharri og Jonas Gahr Støre (talgilt), norskur forsætisráðharri.

Fundurin er brádliga fingin í lag, tí spenningurin í Norðuratlantshavi er øktur munandi. Mette Frederiksen vísir á støðuna í Ukraina og russisku hóttanina yvirhøvur, og so er støðug óvissa um, hvar USA stendur í øllum.

- Tað er av týdningi, at londini í Norðuratlantshavi standa saman, sigur Mette Frederiksen.

Hetta er ein snarvitjan, tí danski forsætisráðharrin, grønlendski landsstýrisformaðurin og íslendski forsætisráðharrin fara av landinum longu seinnapartin í dag.

Meira verður at frætta seinni.