Theis: Vísir hvussu góðir vit eru

"Øll, sum elska Føroyar", hoppaðu á áskoðaraplássunum við Tjarnir, tá føroyska manslandsliðið vísti bæði hondbóltshegni og spæligleði og vann tryggan 35-27 sigur á Ukraina í síðsta dystinum í EM-undankappingini.

Sigurin tryggjaði Føroyum fyrsta plássið í bólkinum frammanfyri Hollandi, og tað hevur við sær eitt pláss í næstovasta styrkisbólki, tá lutakastið verður um, hvør spælir ímóti hvørjum, í EM-endaspælinum í januar.

 - Eg eri ovurfegin. Hetta er heilt fantastiskt. Tað vóru nokk ikki nógv, sum væntaðu, at vit fóru at enda fremst í hesum bólkinum. Tað vísir, hvussu góðir vit eru, og tá vit spælka væl, spæla vit ordiliga væl, segði Theis Horn Rasmussen.

Sigurin á Kosovo hóskvøldið legði upp til fólkaveitslu við Tjarnir, men hon byrjaði ikki beinanvegin. Ukraina spældi fyri sínum EM-plássi, og liðini fylgdust javnt og samt, hóast Føroyar fór til hálvleiks við teprari leiðslu. 

Síðsta korterið vístu føroyingarnir seg kortini frá síni bestu síðu, og flugu undan teimum á mótstøðuliðnum, sum til endans ikki vistu síni livandi ráð.