Framleiða jodtablettir til allar Føroyar

Í nøkrum av grannalondum okkara mæla myndugleikarnir fólki millum annað til at hava mat, jodtablettir og aðra tilbúgving tilreiðar, um til dømis eitt kjarnorkuálop brestir á.

Myndugleikarnir eru ikki komnir við nøkrum tílíkum boðum í Føroyum, men um tílík boð skuldu komið, kann Apoteksverkið upp á stutta tíð framleiða nóg mikið av jodtablettum til allar føroyingar.

Jodtablettir gera, at skjaldkertilin ikki upptekur geislavirkið jod. Tað vil minka um vandan fyri at fáa krabbamein í skjaldkertilin.

Fólk undir 40 ár og kvinnur, ið eru við barn, verða vanliga mæltar til at taka jodtablettir í eini tilbúgvingarstøðu.