Stórfingin føroyskur heimildarfilmur frumsýndur á CPH:DOX

HEARTLIST kallast stórsligin føroyski heimildarfilmur um listakvinnuna Sigrun Gunnarsdóttir. 

Heartlist, Sigrun Gunnarsdóttir

Filmurin er ein estetisk og nútímans lýsing av eini spennandi listakvinnu, sum virkar á Eiði, men sýnir fram kring allan heim og altíð arbeiðir málrættað við málningalistini.

Men hvør er kvinnan handan verkini? 

Heartlist, Sigrun Gunnarsdóttir

Filmurin tekur støðið í Sigrun sum persóni og listafólki. Eru líkleikar og mótsetningar millum persónligheitina og einstøku listaverkini?

Heartlist, Sigrun Gunnarsdóttir

Føroysk framleiðsla

Tað eru Mariannu Mørkøre og Beintu á Torkilsheyggi, ið hava leikstjórnað filminum. 

Heartlist, Sigrun Gunnarsdóttir

Rógvi Per Rasmussen var myndamaður, og Ólavur Jákupsson gjørdi tónleikin og ljóðmyndina.

Marianna Mørkøre klipti filmin, og animatiónirnar gjørdi bretska Katy Beveridge.

Heartlist, Sigrun Gunnarsdóttir

Rógviper og Kykmyndir hava í felag framleitt filmin, ið er stuðlaður av "Norddok - Filmar um Grønland, Føroyar og Danmark", umframt av Mentamálaráðnum, Eiðis kommunu, Betri og er framleiddur í samstarvi við Kringvarp Føroya.

Frumsýndur í Føroyum 5. apríl

Filmurin fær heimsfrumsýning á viðurkenda filmsfestivalinum CPH:DOX í Keypmannahavn tann 19. mars. Filmurin kappast í bólkinum Nordic:Dox Award, ið hevur sjóneykuna á filmar úr Norðurlondum.

Í Føroyum verður filmurin frumsýndur í Filmsfelagnum í Havnar Bio tann 5.apríl, har samrøða og spurningar verða til leikstjórarnar og høvuðspersónin aftaná sýningina.

Eisini verður filmurin sýndur í Løkshøl tann 11.apríl, og í Salti tann 12.apríl.

Hearlist