Gløsini brotnaðu í eitt ár, men so hendi okkurt

Fá munnu vita, at eitt glasblásarí liggur við Karlamagnusarbreyt í Hoyvík. Har inni stendur ein ovnur, sum etur streym alt samdøgrið.

Í eitt heilt ár koyrdi hann uttan at gera stórvegis til nyttu, tí gløsini, sum skuldu liggja í ovninum, ofta brotnaðu áðrenn ella aftaná.

Ruth Heinesen, sum keypti ovnin, gjørdi tað, hon kallar fyri gólv-modellir (eitt fittari orð fyri glas, sum fer í knús) í eitt heilt ár.

Men so kom ein útlendingur á vitjan og legði henni lag á. Og knappliga, so byrjaði at líkjast.

Hetta seinasta árið, meðan korona hevur herjað, hava hon og hennara hjálpari í stillum framleitt eina rúgvu av kannum, lampum og øðrum úr glasi.

Sí alla sendingina Lyst 39