Bókaárið á Vágskálini

17-12-2024

Í sendingini rógva vit aftur á 10 av Vágskálunum í 2024 og hoyra brot úr ummælunum

Til ummælis í sendingini var krimiskaldsøgan "Lygn" eftir Eyðun Klakkstein, og hana ummæltu Marna Jacobsen og Eilen Anthoniussen.

Malan Marnersdóttir og Ben Arabo søgdu sína hugsan um "Hvíldarheimið" hjá Jógvani Isaksen, og Sámal Matras og Hans Andrias Sølvará viðgjørdu søgubókina hjá Virgari Dalsgaard um Petur Mohr Dam.

Bókin hjá Martini Næs og Flóvini Tór Nygaard Næs um læknan Sonnu Dahl var eisini til viðgerðar, og hana ummæltu Pál Weihe og Ivan Niclasen.

Vit rógva eisini aftur á tað, sum sagt varð um skaldsøguna "Rangstøða" hjá Daniali Viðoy, stuttsøgusavnið "Upp eftir enda" hjá Oddfríði Marna Rasmussen, ævisøguna um Rasmus á Háskúlanum hjá Guðruni Gaard, stuttsøgusavnið "7 søgur" hjá Katrini Ottarsdóttir og søgubókina "Antisemitisma" eftir Hanus Kamban.

Sanna Klein og Sámal Soll ummæltu yrkingasøvn hjá Tóroddi Poulsen og Svannu Jákupsdóttir, og vit hoyra somuleiðis brot úr teirri sendingini.

Uni Arge leggur til rættis.

Vágskálin

Vágskálin er sending við mentanarligum ummælum. Tveir ummælarar eru við hvørja ferð, og í flestu førum verða bøkur vigaðar á vágskálini. Ummælini verða gjørd sum samrøður í útvarpsstovuni, og brot verða spæld úr tí, sum ummælt verður. Á vágskálina kunnu eisini verða lagdir sjónleikir, framsýningar og framførslur. Serlig rák í tíðini verða viðhvørt vigað og viðgjørd. Uni Arge leggur til rættis.

Vágskálin: Ættargransking í Vágum og listakvinnan Julie Sass

Sendingin hesaferð snýr seg um ættargransking í Vágum, donsku listakvinnuna Julie Sass og eitt yrkingasavn hjá Sinnisbata Ung

12-03-2025

Vágskálin: Náttúra og sorg á bókmentafestivali

Sendingin hesaferð snýr seg burturav um altjóða bókmentafestivalin, sum var í Havn um vikuskiftið

05-03-2025

Vágskálin: Gitin filmsmaður og naknar standmyndir

Í sendingini greiða Bjørki Geyti og Birgir Kruse frá Geyta-tiltakinum, og tríggjar kvinnur kjakast um naknar standmyndir í almenna rúminum

26-02-2025

Vágskálin: Orðatøk sum perlur av mannamunni

Í sendingini ummæla Tóra Árnadóttir og Hans Jacob Kollslíð bókina "Eitt orðatak um vikuna" eftir Páll Isholm

19-02-2025

Vágskálin: 1000 kirkjutænarar, sjey filmar og ein sjónleikur

Í sendingini eru vit til Geyta-tiltakið, sjónleik eftir August Strindberg og tosa við Justinus Eidesgaard, sum hevur skrivað tvær bøkur um 1000 kirkjutænarar

11-02-2025

Vágskálin: Bókadeild Føroya Lærarafelags á breddanum

Í sendingini hitta vit Niels Jákup Thomsen, stjóra á Bókadeildini síðan 1996, og Turið Kjølbro, ritstjóra í 23 ár

04-02-2025

Vágskálin: Høvundar 125 ár og fýra yndisbøkur

Í sendingini greiðir Bergur Rønne Moberg frá lívsverkunum hjá Williami Heinesen og Jørgen-Frantz Jacobsen, og fýra høvundar siga frá sínum yndisbókum

29-01-2025

Vágskálin: Góð søga um heimsgitið føroyskt telduspæl

Í sendingini ummæla Sanna Klein og Sámal Soll barnaskaldsøguna "Fornt" eftir Elina á Rógvi

21-01-2025

Vágskálin: Ein góð roynd at siga handilssøguna

Í sendingini ummæla Helgi Eidesgaard, søgufrøðingur, og Finn Jensen, dekanur á Glasi, "Søgan um handlarnar" hjá Helga Jacobsen

15-01-2025

Vágskálin: Spenningssøga full av søgutilfari

Í sendingini ummæla Eyðun Klakkstein og Eilen Anthoniussen krimiskaldsøguna "Altartalvan" hjá Jógvani Isaksen

08-01-2025

Bókaárið á Vágskálini

Í sendingini rógva vit aftur á 10 av Vágskálunum í 2024 og hoyra brot úr ummælunum

17-12-2024

Vágskálin: Eksotisk skaldsøga við moralskum tvístøðum

Á vágskálini hesaferð er barna- og ungdómsskaldsøgan "Leyp nú, Eva!" eftir Rakel Helmsdal

17-12-2024