Jambalaja - 221125

22-11-2025

Sending við countrytónleiki

Tvær nýggjar góðar útgávur eru á skránni í dag, harav onnur verður mett sum eina ta bestu, ið er komin út í ár. Vit hoyra eisini um tveir sangarar - ein føroyskan og ein amerikanskan, sum hava havt rundan føðingardag í vikuni.

Jambalaja

Jambalaja er tónleikasending við countrytónleiki sum útgangsstøði, men sum eisini ferðast í sjangrunum, sum hava givið countrytónleikinum íblástur, serliga fólkatónleik av bretskum, norðurlendskum og latínamerikanskum uppruna.

Sendingin er eitt bland av bæði nýggjum og eldri tónleiki har roynt eisini verður at siga søgurnar handan sangin.

Vertur er Ingi Samuelsen.