Ísland í øðini um nýtt heimskort hjá Trump

Ísland í øðini um nýtt heimskort hjá Trump
Íslendski uttanríkisráðharrin boðsendi amerikanska sendiharranum til fundar
Soleiðis sær nýggjasta heimskortið hjá Donald Trump, forseta, út.
Mynd: Truth Social  
 
08.09.2026 - 08:26

Í Íslandi eru politikarar í øðini um myndina, sum Donald Trump, forseti, hevur lagt út á sosiala miðli sínum Truth Social, har Ísland saman við fleiri øðrum londum verður víst sum partur av USA.

Íslendska kringvarpið, RÚV, skrivar, at íslendski uttanríkisráðharrin, Þorgerður Katrín Gunnarsdóttir, boðsendi amerikanska sendiharranum í Íslandi á fund.

Á fundinum gjørdi íslendska uttanríkisráðið greitt, at uppslagið hjá amerikanska forsetanum var fullkomiliga óhóskandi.

Amerikanski forsetin hevur fleiri ferðir lagt myndir á sosialar miðlar, har Grønland er merkt við amerikanska flagginum, ella øðrum amerikonskum ímyndum.

Kortið, sum Trump legði út í gjár, líkist hesum myndum.

 


Þorgerður Katrín Gunnarsdóttir.

 

Grønlendingar ráða sjálvir

Danski forsætisráðharrin, Mette Frederiksen, svarar eisini aftur eftir, nú Donald Trump enn einaferð hevur víst áhuga fyri Grønlandi.

Amerikanski forsetin legði í gjár eina broytta mynd av einum heimskorti á sínum egna sosiala miðli, Truth Social, har amerikanska flaggið er lagt oman yvir Grønland, Kanada, Meksiko, Kuba og Ísland.

Mette Frederiksen sigur, at tað er grønlendska fólkið sjálvt, sum avger sína framtíð.

 

 

Er kopiera
Nýggjastu sendingar í ÚV
Týsdag 10. november
Áin (brot)
216037
Mánadag 9. november
Norðurljóð 9.november 2026
215023
Mánadag 9. november
Meðan dunnurnar eta breyð
216036
Mánadag 9. november
RagnarRokk: Morten Toft Hansen um Prisoner
215801
Nýggjastu sendingar í SV
Mánadag 9. november
Veðrið
216154
Sunnudag 8. november
Bygdarlív 3 - Skálavík
216096
Sunnudag 8. november
Hondbóltur: Montenegro - F'øroyar
216095
Sunnudag 8. november
Møti hjá Heimamissiónini við Tjarnir
216089
Sunnudag 8. november
Andaktin við Anju Bjerkenes
216083