KÍ og HB aftur í steypafinaluna í ár

Kí tryggjaði sær plássið í steypafinaluni við kvinnum í gjár við stórsigri á Víkingi í Sarpugerði. 

Fyrra hálvfinalan endaði 1-0 til KÍ, og tí kom veruligur spenningur í uppgerðina, tá Jonnhild á Sondum legði Víking á odda miðskeiðis í fyrra hálvleiki og javnaði samanlagt.

Men spenningurin vardi ikki so leingi. Sólja Ernstdóttir javnaði, tá ein hálvur tími var spældur, og miðskeiðis í seinna hálvleiki avgjørdi KÍ alt við trimum málum upp á sjey minuttir.

Durita Hummeland skoraði tveybáðu megin eitt mál frá Mariu Vinjardsdóttir Johansen. So var 4-1 og síðstu minuttirnar økti útiliðið til 6-1 við málum frá Eyðvør Klakstein og Tórunn Joensen.

Aftur HB hesa ferð

Týskvøldið syrgdi HB fyri, at finaluliðini verða hini somu, sum í fjør.

Havnarliðið hevði 3-0 leiðslu úr fyrru hálvfinaluni, so hóast Sissal Haraldsen legði 07 Vestur á odda í Gundadali, var ongantíð nakar ivi um, at HB fór at vinna samanlagt.

Eftir steðgin skoraðu Brá Zachariasardóttir, Julia Naomi Mortensen og Lea Lisberg, og var 6-1 samanlagt.

HB vann steypafinaluna á júst KÍ í fjør, tá Rúna Jacobsen skeyt einasta málið í dystinum.