Avdúka nærum øll brotsverk á netinum við nýggjari tøkni

Kynsligar brotsgerðir móti børnum henda oftari nú enn fyrr, men millum annað framkomin samskiftistøkni ger, at næstan øll brotsverkini á netinum verða avdúkað.

Í síðstu viku sendi løgreglan út árshagtølini fyri 2025 saman við einum tíðindaskrivi um, at "Brotsverkini í Føroyum gerast álvarsamari".

Heri Andreasen

Rúsevnabrotsverk og kynslig brotsverk móti børnum vórðu tikin fram sum dømi um vaksandi álvarsemið.

Við internetinum og nógvu sosialu miðlunum er mynstrið í kynsligu brotsgerðunum móti børnum púra broytt í mun til fyrr.

Føroyska løgreglan fekk atgongd til amerikanska felagsskapin NCMEC í 2022, og hevur tilsamans fingið umleið 1.500 fráboðanir haðani. Teir fyrstu 500 tilburðirnar fekk løgreglan í einum saman við atgongdini.

Hoyr innslag í útvarpstíðindunum:

Umleið ein fjórðingur av fráboðanunum frá NCMEC eru verulig mál, og tey verða øll uppklárað, sigur Heri Andreasen, varapolitiinspektørur.