- Tíðindi, mentan og ítróttur
Avmarkað nøgd av atgongumerkjum til føroyskar hondbóltsfjepparar
Avmarkað nøgd av atgongumerkjum til føroyskar hondbóltsfjepparar
Áhugin hjá føroyingum er stórur at sleppa til dystirnar hjá hondbóltslandsliðnum í HM-endaspælinum í manshondbólti í Týsklandi, men bert nakrir hundrað fáa atgongumerki
Andrass Thomsen, stjóri í Hondbóltssambandi Føroya
Mynd: Savnsmynd
11.06.2026 - 22:26
Tá føroyska manslandsliðið í hondbólti skal spæla HM-endaspæl í Magdeburg í Týsklandi í januar næsta ár, verður innrásin av føroyskum fjepparum neyvan eins stór, og hon var í Oslo í januar í ár, tá tað galt EM-endaspælið. Ikki at áhugin er minni hesa ferð, men tí tað einfalt eru so fá atgongumerki tøk hjá føroyskum fjepparum at keypa.
Tískil verða tað væntandi bert nakrir hundrað ella kanska túsund føroyskir fjepparar til dystirnar hjá føroyska liðnum móti Portugal, Póllandi og Algeria í innleiðandi bólkaspælinum.
Andrass Thomsen, stjóri í Hondbóltssambandi Føroya, sigur tó, at tað ikki er óhugsandi, at nøkur hundrað atgongumerki kunnu koma afturat.
Hoyr innslag í útvarpstíðindunum klokkan 18:
1817259
Er kopiera
Nýggjastu sendingar í ÚV
Nýggjastu sendingar í SV
