Nations League: Fleiri túrar eystureftir

Føroyar skulu spæla ímóti Kasakstan, Slovakia og Moldova í Nations  League-kappigini, sum verður spæld í heyst.

Tað er greitt eftir lutakastið í Brússel seinnapartin, har Føroyar vóru í triðbesta styrkisbólki í deild C.

Talan var ikki um dreymalutakast fyri føroysku menninar. Ferðin til Kasakstan er millum tær longstu, og Slovakia var millum tey bestu londini í næsthægsta styrkisbólki.

Moldova og Føroyar hava spælt  fýra dystir sínamillum síðstu árini, sum allir hava verið rættiliga javnir. 

Teir fyrstu fýra dystirnir verða spældir í landsliðssteðgi í september/oktober, og tveir teir síðstu verða spældir í november.