Rói Ellefsen á Skipagøtu til Aarhus Håndbold

- I jagten på nye sejre er vi er glade for endnu engang at kunne rekruttere en talentfuld spiller fra Færøerne og deres succesfulde herrelandshold.

Tað stendur at lesa á heimasíðuni hjá Aarhus Håndbold í samband við, at felagið hevur gjørt avtalu við Róa Ellefsen á Skipagøtu, sum merkir, at hoyvíkingurin skal spæla fyri danska felagið frá byrjan av næsta kappingarári.

Felagið skrivar eisini, at Rói Ellefsen á Skipagøtu var partur av føroyska landsliðnum, sum var til EM, sum júst hevur verið í Danmark, Svøríki og Noregi, har føroyska liðið spældi, har liðið við javnleiki móti Sveits og stórsigri ímóti Montenegro endaði á 13. plássi.

- Vit eru glað og errin um, at tað eydnaðist okkum at fáa Róa á liðið, og vit hava stórar vónir um, at skjóti bakkurin kann vera við til at menna okkara lið, sum liggur í oddanum í 1. deild. Við sínum nógvu royndum úr bestu svensku deildini, har hann spælir fyri Hallby IF, og altjóða dystum fyri Føroyar, og við sínum stóru dygdum í báðum endum av vøllinum, er Rói júst rætti maðurin til okkara lið næstu kappingarárini, har vit framhaldandi arbeiða við at menna góðar ungar leikarar, so bæði teir og Aarhus Håndbold kunnu kappast ímóti teimum allarbestu í bestu donsku hondbóltsdeildini, skrivar Aarhus Håndbold.