Trump hóttir nú við revsitolli

Trump hóttir nú við revsitolli
Amerikanski forsetin, Donald Trump hóttir nú NATO-lond, sum stuðla Danmark við ikki at lata Grønland frá sær, við revsitolli
Dondald Trump, amerikanski forsetin.
 
17.01.2026 - 18:33

- Frá 1. februar fer USA at seta 10 prosent revsitoll á allar vørur frá Danmark, Norra, Svøríki, Fraklandi, Týsklandi, Onglandi, Hollandi og Finnlandi, sum verða seldar til USA. Tað er vegna støðuna í Grønlandi, skrivar Donald Trump á Truth Sosial. 

Og hann leggur afturat, at "heimsfriðurin er í vanda"

- Nú eftir fleiri øldir er tíð uppá, at Danmark gevur nakað aftur. Heimsfriðurin er í vanda. Kina og Russland vilja hava Grønland, og tað er einki, sum Danmark kann gera við tað, skrivar Donald Trump.

Hann skrivar eisini, at tað er bara USA við Donaldi J. Trump, forseta, sum kann vera við í spælinum - og við góðum úrsliti. Eingin fer at nerta hetta heilaga landið, serliga tí at trygdin hjá USA og heimsins trygd er upp á spæl. 

- Við hesi nýggju tollhóttanini, leggur Trump brenni afturat bálinum um Grønland, sigur Lasse Engelbrecht, journalistur við serligum kunnleika til USA  í uttanlandsdeildini hjá DR. 

 

ES felags tollmúr

Tað eru fleiri, sum vísa á, at til ber ikki hjá Trump bara at pilka nøkur fá ES-lond burturúr og leggja toll á tey og ikki á onnur. ES hevur ein felags tollmúr og um hann vil seta eyka toll á eitt av londunum, so er hann noyddur at leggja sama eykatoll á øll ES-londini.  

Er kopiera
Nýggjastu sendingar í ÚV
Mikudag 11. november
Dansival 11 nov 2026
216272
Mikudag 11. november
Vágskálin: Millum veruleika og óveruleika
215895
Mikudag 11. november
Skratsj 11. novembur 2026
216266
Mikudag 11. november
Mono - 90'ini undir lupp (2:4)
216264
Mikudag 11. november
Eg kendi meg sum greinina
216035
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Týsdag 10. november
Veðrið
216210
Mánadag 9. november
Veðrið
216154
Sunnudag 8. november
Bygdarlív 3 - Skálavík
216096