Løgtingið sent Grønlandi stuðulsheilsan

Løgtingið sent Grønlandi stuðulsheilsan
Bjørt Samuelsen, løgtingsforkvinna, sigur í heilsanini til Inatsisartut, at løgtingið fylgir støðuni við ekka, nú amerikanski forsetin er komin við ódámligum útsagnum
Bjørt Samuelsen, løgtingsforkvinna, hevur sent formanninum í Inatsisartut stuðulsheilsan.
Mynd: Bjarni Árting Rubeksen  
 
12.01.2026 - 14:36

Føroya Løgting hevur sent Grønlandi stuðulsheilsan.

Bjørt Samuelsen, løgtingsforkvinna, hevur vegna løgtingið sent Kim Nielsen, formanni fyri Inatsisartut, bræv, har sagt verður, at løgtingið fylgir støðuni við ekka, nú amerikanski forsetin er komin við ódámligum og óhoyrdum útsagnum um at taka Kalaalit Nunaat, tað er Grønland.

- Tað er gott at hoyra og síggja tykkara politikarar og fólk við so týðiligari rødd siga bæði amerikanarum og restini av heiminum, at Kalaalit Nunaat sjálvandi er tykkara, land grønlendinga. Umfram at eingin annar hevur rætt at avgera tykkara framtíð.

 

Bestu tankar

- Í hesari so avbjóðandi tíðini vóni eg, at tit kenna styrki við at vera umgird av vinum. Vegna løgtingið sendi eg Inatsisartut og grønlendska fólkinum bestu tankar við fullum stuðli til stríðið um framtíð Grønlands, sum tit standa mitt í.

Sigur Bjørt Samuelsen í brævinum til grønlendska landstingið. Hon sigur eisini, at hon skjótt fer at senda Kim Nielsen og forsetan í Altinginum eina innbjóðing - og vónar, at tey síggja til várs.

Les alla stuðulsheilsanina her.
 

Er kopiera
Nýggjastu sendingar í ÚV
Mikudag 11. november
Dansival 11 nov 2026
216272
Mikudag 11. november
Vágskálin: Millum veruleika og óveruleika
215895
Mikudag 11. november
Skratsj 11. novembur 2026
216266
Mikudag 11. november
Mono - 90'ini undir lupp (2:4)
216264
Mikudag 11. november
Eg kendi meg sum greinina
216035
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Týsdag 10. november
Veðrið
216210
Mánadag 9. november
Veðrið
216154
Sunnudag 8. november
Bygdarlív 3 - Skálavík
216096