H-bygningurin: Landsverk kannar framvegis málið um eykajáttan

Faerport II samtakið, sum bæði projekteraði og hevði høvuðseftirlitið við H-bygninginum, sigur, at annað tilfar enn tað, ið tey mæltu til, er brúkt til H-bygningin.

Brúkta tilfarið er seinni mett at vera óegnað til føroyska veðurlagið, og tí lekur bygningurin illa. 

Eisini undrast Faerport II í skrivi til fíggjarnevndina hjá løgtinginum á, hví eykarokningin á 14 milliónir nú er blivin til 33 milliónir. 

Lógaruppskotið um at játta fleiri pengar til H-bygningin var á skránni til fíggjarnevndarfundin í dag. 

Fíggjarnevndin hevur biðið um og fingið longda freist til 16. februar at skriva álit í málinum. 

Hoyr innslag í útvarpstíðindunum