Hvalbiar kommuna fer at krevja tænastugjald fyri tóm hús

7.945 krónur um árið.

Tað verður gjaldið fyri at hava tómt hús í Hvalbiar kommunu.

Tóm hús eru tey, har eingin er skrásettur at búgva.

Bygdarráðið hevur samtykt at brúka heimildina at krevja tænastugjald fyri tóm hús í kommununi. Hvalbiar kommuna fevnir um Hvalba og Sandvík.

Okkurt um 70 hús standa tóm í Hvalbiar kommunu, skrivar dimma.fo.

Tað skuldi givið 556.000 krónur í eykainntøkum um árið.