Vágs kommuna gjørt uppskot um ferðavinnuætlan

Vágs kommuna hevur latið inn uppskot um ferðavinnuætlan, sum skal gerast eftir lógini um burðardygga ferðavinnu. 

Í sambandi við ferðavinnuætlanina er lív aftur komið í Suðuroyar Ferðavinnufelag.

Vágs kommuna miðar eftir at fáa fleiri ferðamannaskip.

Í ár hava seks vitjað, men næsta ár koma 10. Útlendsku ferðafólkini fjølgast, men tey flestu, sum vitja Vág, eru føroyingar. Náttúran á vestursíðuni er vøkur, og kommunan hevur lagt nýggjar gøtur ella gonguleiðir.

Hoyr innslag í útvarpstíðindunum: 

Tróndur í Gøtu standmynd

Standmyndin av Tróndi í Gøtu. (Mynd: Eysturkommuna)

Ætlan í Eysturkommunu

Ferðavinnuætlanin fyri Eysturkommunu er um at vera liðug. 

Í ferðavinnuætlanini fyri Eysturkommunu er løgd ein nýggj gøtuleið inn á Varmakeldueiði.

Lógin um burðardygga ferðavinnu spratt burtur úr ynskinum um gongd í haga. Lógin leggur upp til, at verandi bygdagøtur skulu skrásetast.

Hoyr innslag her: