Sirið Stenberg er sera misnøgd við danska mentamálaráðharran

- Tað hoyrir ongastaðni heima, at danski mentamálaráðharrin stuðlar einum tiltaki, sum til fulnar er fíggjað.

Tað sigur Sirið Stenber, landsstýriskvinna við mentamálum, nú danski mentamálaráðharrin, Jakob Engel-Schmidt, av sínum eintingum hevur valt at stuðla oyggjaleikunum í Føroyum við 2,5 milliónum krónum.

Tað var í gjár, fríggjadagin, at Anna Falkenberg, fólkatingsumboð fyri Sambandsflokkin, í skrivi boðaði frá, at danska stjórnin hevði valt at stuðla oyggjaleikunum í Føroyum við hesari upphæddini, og at peningurin kom frá einari pulju upp á 30 milliónir krónur, sum danska stjórnin hevur sett til at økja vitanina um ríkisfelagsskapin.

Men fyri føroyska mentamálaráðið og landsstýriskvinnuna kom játtanin púra óvart á. Og sambært henni er hon bæði óneyðug og mestsum rein politisk uppíblanding í føroysk viðurskifti.

Trýst á pílin niðanfyri og hoyr alla samrøðuna við Sirið Stenberg, landsstýriskvinnu, sum var í sendingini á middegi.