Løgreglan í Føroyum fleiri ársverk og tveir ákærar aftrat

Løgreglan í Føroyum fleiri ársverk og tveir ákærar aftrat
Longu næsta ár hækkar játtanin til løgreglu og ákæruvald í Føroyum og Grønlandi 54 milliónir krónur
Ákæruvaldið hjá løgregluni í Føroyum fær játtan til tveir ákærar aftrat.
Mynd: Bjarni Árting Rubeksen  
 
05.12.2025 - 11:33

Breið politisk semja er í Danmark um at styrkja bæði løgregluna og ákæruvaldið næstu fimm árini.

Við semjuni verður játtanin til løgregluna og ákæruvaldið økt ár um ár, til hon er útvið 1,5 milliardir krónur størri í 2030 enn í ár. 

Næstu fimm árini skulu útbúgvast fleiri løgreglufólk, og málið er at tey vera umleið 12.000 fólk í 2030. Tað eru umleið 300 fleiri enn í dag. 

Fleiri pengar skulu játtast til stríðið móti fíggjarligum kriminaliteti. Og so skulu drúgvu viðgerðartíðirnar í rættarskipanini styttast. Tað verður gjørt við fleiri pengum til ákæruvaldið og dómstólarnar.

 

Samlaða játtanin til donsku løgregluna og ákæruvaldið - sum eisini fevnir um Føroyar og Grønland - er 14,3 milliardir krónur í ár. (Savnsmynd: Bjarni Árting Rubeksen)

 

Eisini í Føroyum og Grønlandi

Við avtaluni verða eisini fleiri pengar játtaðir til løgregluna og ákæruvaldið í Føroyum og Grønlandi.

Løgreglan í Føroyum fær játtan til fýra ársverk aftrat, og ákæruvaldið fær játtan til tveir ákærar aftrat. Eisini fær løgreglan í Føroyum fleiri pengar til kt og aðra útgerð.

Longu næsta ár hækkar játtanin til løgreglu og ákæruvald í Føroyum og Grønlandi 54 milliónir krónur, og tá komið er til 2030 eru 133 milliónir lagdar oman á verandi játtan.

Samlaða játtanin til donsku løgregluna og ákæruvaldið - sum eisini fevnir um Føroyar og Grønland - er 14,3 milliardir krónur í ár. 

Er kopiera
Nýggjastu sendingar í ÚV
Mikudag 11. november
Dansival 11 nov 2026
216272
Mikudag 11. november
Vágskálin: Millum veruleika og óveruleika
215895
Mikudag 11. november
Skratsj 11. novembur 2026
216266
Mikudag 11. november
Mono - 90'ini undir lupp (2:4)
216264
Mikudag 11. november
Eg kendi meg sum greinina
216035
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Týsdag 10. november
Veðrið
216210
Mánadag 9. november
Veðrið
216154
Sunnudag 8. november
Bygdarlív 3 - Skálavík
216096