Ólag á skipanini fyri havstreymar er hóttan móti tilveruni

Íslendska stjórnin boðar frá, at vandi er fyri, at ólag kemur á skipanin fyri havstreymar, nevnd Amoc, og tað er ein nationalur trygdarváði og hóttan móti tilveruni.

- Tað ger, at landið fer at fyrireika seg til tað ringasta, sigur íslendski veðurlagsráðharrin, Jóhann Páll Jóhannsson, við Reuters.

- Hetta er fyrstu ferð, at eitt veðurlagsfyribrigdi formliga er lagt fyri trygdarráðið sum ein møgulig hóttan móti tilveruni, sigur Jóhann Páll Johannsson.

Íslendskir myndugleikar kanna nú á fleiri økjum, hvørjar avleiðingar Amoc-samanbrotið kann hava, frá orku- og matvørutrygd til undirstøðukervi og altjóða samferðslu.

Vísindafólk eru ósamd um vandan fyri Amoc, men í ringasta føri kunnu avleiðingarnar vera ein nýggj ístíð í Norðurevropa.