Sakorzy latin leysur

Ein dómstólur í París hevur latið fyrrverandi forsetan, Nicolas Sarkozy, leysan úr fongslinum, meðan hann bíðar eftir, at kærumálið byrjar.

Avgerðin samsvarar við kravið hjá ákæruvaldinum.

Nicolas Sarkozy var í oktober fongslaður í París. Hann var dømdur fimm ára fongsul í september. 

Fyrrverandi franski forsetin var funnin sekur í ákærunum um samansvørjing í einum stórum máli um mutur, har hann millum annað var ákærdur fyri at hava tikið ímóti peningi til valstríðið hjá sær frá stjórnini hjá Muammar Gaddafi í Libya í 2007.

Nicolas Sarkozy var forseti frá 2007 til 2012.