Seks aðalráð 1. desember - trý landsstýrisfólk missa sessin

Eftir at nýskipanarnevndin hevur lagt fram síni tilmæli, hevur Aksel V. Johannesen, løgmaður, gjørt av at umskipa aðalráðini, so tey verða seks í tali.

Trý aðalráð detta burtur, og málsøkini verða býtt øðrvísi.

Jóhan Christiansen

Jóhan Christiansen.

Djóni Nolsøe Joensen

Djóni Nolsøe Joensen.

Bjarni Kárason Petersen

Bjarni Kárason Petersen. 

Broytingin kemur í gildi 1. desember, og samstundis verða landsstýrismenninir, Jóhan Christiansen, Bjarni Kárason Petersen og Djóni Nolsøe Joensen loystir úr starvi.

Aðalráðini aftrat løgmansskrivstovuni vera hesi:

·       Fíggjarmálaráðið

·       Vinnumálaráðið

·       Barna- og útbúgvingarmálaráðið

·       Almanna- og heilsumálaráðið

·       Uttanríkis- og umhvørvismálaráðið

Margit Stórá

Frítekst tagging: 

Margit Stórá

Breddin

Bjarni Árting Rubeksen

Margit Stórá verður landsstýriskvinna í almanna- og heilsumálum.

Eirikur í Jákupsstovu

Eirikur í Jákupsstovu fer nú at umsita vinnumál í landsstýrinum. 

Súsanna Bertholdsen

Súsanna Bertholdsen verður landsstýriskvinna í barna- og útbúgvingarmálum. 

Hesi manna landsstýrið

Aftrat Akseli V. Johannesen, løgmanni, fara hesi at manna landsstýrið:

·       Sirið Stenberg, landsstýriskvinna í uttanríkis- og umhvørvismálum og varaløgkvinna

·       Ruth Vang, landsstýriskvinna í fíggjarmálum

·       Margit Stórá, landsstýriskvinna í almanna- og heilsumálum

·       Súsanna Bertholdsen, landsstýriskvinna í barna- og útbúgvingarmálum

·       Eirikur í Jákupsstovu, landsstýrismaður í vinnumálum

Færri aðalstjórar

Broytingarnar fáa eisini ávirkan aðalstjórastørvini.

Løgmaður hevur gjørt av, at:

·      John Rajani heldur fram sum aðalstjóri á Løgmansskrivstovuni

·      Pól Egholm Hansen verður aðalstjóri í Vinnumálaráðnum

·      Elin Mortensen verður aðalstjóri í Útbúgvingar- og mentamálaráðnum

·      Bjørgfríð Ludvig verður aðalstjóri í Almanna- og heilsumálaráðnum

·      Herálvur Joensen verður aðalstjóri í Uttanríkis- og umhvørvismálaráðnum

·      Bjarni Askham Bjarnason verður aðalstjóri í Fíggjarmálaráðnum

Tað merkir, at Poul Geert Hansen, sum er aðalstjóri í Barna- og útbúgvingarmálaráðnum, Eyðun Mohr Hansen, sum er aðalstjóri í Almannamálaráðnum, Nella Festirstein, sum er aðalstjóri í Løgmálaráðnum, sleppa ikki at halda fram sum aðalstjórar.