Fimm fólk handtikin aftrat fyri innbrotið á listasavnið Louvre

Fimm fólk aftrat eru handtikin í sambandi við innbrotið  á listasavnið Louvre í franska høvuðsstaðnum París. 

Tað hendi í gjárkvøldið, sigur ein fronsk útvarpsrás, sambært Reuters.

Seinasta vikuskifti vóru tveir menn handtiknir, tá teir royndu at flýggja avlandinum gjøgnum Charles de Gaulle floghavnina. 

Teir sita nú í varðhaldi, skrivar blaðið Le Parisien. 

Stjólu søguligar dýrgripir

Keldur siga við blaðið, at løgreglan kannar, um tað var ein kriminellur felagsskapur, sum rændi listasavnið. 

Fýra fólk í maskum brutu inn á listasavnið 19. oktober og stjólu søguligar dýrgripir,  sum hava eitt virði upp á 657 milliónir krónur.  

Á Louvre eru meira enn 35.000 listagripir, teirra millum víðagitni málninugrin hjá Leonardo da Vinci, Mona Lisa. 

Louvre er størsta listasavn í heiminum, og er nærum 73.000 fermetrar til støddar.