Hitin veksur dupult so skjótt

Hitin veksur dupult so skjótt nú sum í farnu øld.

Tað sigur ein nýggj frágreiðing um alheims upphitingina, sum Nationalt Center for Klimaforskning hevur gjørt.

Tað sigur danska veðurstovan, DMI, í tíðindaskrivi.

Frágreiðingin sigur, at seinastu 20 árini er hitin vaksin 0,29 stig fyri hvørji tíggju ár.

Vøksturin tey 80 árini frammanundan var 0,15 stig fyri hvørji tíggju ár.

Í 2024 var miðalhitin 1,55 stig hægri enn hann var frá 1850 til 1900.

2024 er heitasta árið, sum er skrásett, sigur ST.