Forkvinnan í ES-nevndini gestarøðari í Norðurlandaráðnum

ES-nevndarforkvinnan Ursula von der Leyen verður høvuðsgestarøðari á ársfundinum hjá Norðurlandaráðnum, sum formliga byrjar í morgin.

Hon verður eisini við á toppfundinum millum forsætisráðharrarnar í øllum Norðurlondum í morgin.

Fyrstu fundirnir eru longu í dag, og hildið verður fram til hósdagin, tá ársfundurin endar.

Í annaðkvøld verða norðurlendsku virðislønirnar latnar. 

Vónbjørt og Sakaris

Vónbjørt Vang fær bókmentavirðisløn norðurlandaráðsins fyri yrkingasavnið "Svørt Orkide," og Sakaris Stórá fær filmsvirðislønina fyri filmin "Seinasta Paradís á jørð."

Eisini fær svenska Sara Lundberg norðurlendsku virðislønina fyri barna- og ungdómsbókmentir fyri myndabókina "Ingen utom jag."

Íslendska tónaskaldið og pianisturin Víkingur Ólafsson fær tónlistarvirðislønina.

og "Grønne Nabofællesskaber í Danmark" fær umhvørvisvirðirlønina fyri verkætlanina "Civilsamfundets grønne bidrag."

Virðislønirnar eru 300.000 danskar krónur.