Ivasamt um semja fæst um toskakvotuna í Barentshavinum

Noreg og Russland sita nú so illa um sátt, at ivasamt er, um semja fæst um toskakvotuna í Barentshavinum næsta ár.

Londini bæði hava fund um toskin seinni í oktober.

Samstarvið millum londini um Barentshavið byrjaði í 1974, og er tað elsta um at stýra fiskiskapi.

Fiskifrøðingar í báðum londum hava mælt til, at ikki verður fiskað meira enn 270.000 tons av toski í Barentshavinum næsta ár.

Hetta eru 14 prosent minni enn tilmælið var fyri 2025, og 21 prosent minni enn kvoturnar, londini góvu  sær í ár.

Toskakvotan í Barentshavinum er minkað síðani 2021.