Franski forsætisráðharrin vunnið tvær atkvøðugreiðslur um misálit

Franski forsætisráðharrin, Sébastien Lecornu, hevur vunnið tvær misálitisatkvøðugreiðslur í tjóðartinginum, skrivar Reuters.

Annað misálitisuppskotið átti Rassemblement National, sum er á høgraveinginum, og hitt uppskotið átti La France insoumise, sum er á vinstraveingi í tinginum.

Sostatt sleppur Emmanuel Macron, forseti, undan at skriva út val.

Politisk kreppa hevur valdað í Fraklandi seinastu tíðina.

Legði frá sær

Í síðstu viku legði Lecornu frá sær sum forsætisráðharri, men fáar dagar seinni tilnevndi forsetin hann aftur forsætisráðharra.

Uppgávan hjá Lecornu verður at samráðast við flokkarnar í tjóðartinginum um fíggjarlóg fyri 2026. 

Ósemja um fíggjarlógina gjørdi, at Lecornu legði frá sær sum forsætisáðharri.