Hava kannað stormar í Føroyum

Nú hava granskarar kannað stormar seinastu 85 árini í Føroyum.

Grein um hetta bleiv herfyri kunngjørd í tíðarritinum International Journal of Climatology.

Í tíðarskeiðnum 1940 til 2024 hava verið tilsamans 396 stormar. Árliga eru í miðal 4,8 stormar, sambært mátingunum, sum eru gjørdar hesi 85 árini.

Hóast nógv verður tosað um veðurlagsbroytingar, so skulu vit ikki væntað, at tað er nakað, sum ávirkar stormar í Føroyum:

- Einki bendir á, at vit fara at fáa fleiri stormar árliga komandi árini, sigur Bárður A. Niclasen, sum hevur verið í granskingartoyminum og ein av høvundunum til greinina í International Journal of Climatology. Dagliga arbeiðir sum deildarleiðari á Veðurstovu Føroya.

Í morgunsendingini fortelur Bárður A. Niclasen um stormmátingarnar, ið eru gjørdar, og greiðir frá úrslitunum.