Russar í øðini inn á Danmark

Russland er í øðini um donsku avtaluna við ukrainsku vápnafyritøkuna, Fire Point.

Russland finst at Danmark fyri at hava givið ukrainsku fyritøkuni, Fire Point, loyvi at gera rakett-brennievni til nýggju langtberandi krússararakettirnar hjá Ukraina, sum hava fingið navnið "Flamingo".

Tað sigur eitt talsfólk fyri russiska uttanríkisráðið, Maria Zakharova, skrivar Reuters.

Økir vandan fyri kríggi

Hon heldur, at avgerðin fer at økja um vandan fyri, at kríggið stigvíst fer at breiða seg og krevja fleiri mannalív í Ukraina.

Samstundis sigur hon, at avgerðin prógvar fíggindasinnaða politikkin, sum Danmark hevur mótvegis Russlandi.

Russiska fordømingin kemur eftir at danski verjumálaráðharrin, Troels Lund Poulsen, í síðstu viku kunngjørdi avtaluna, sum gevur ukrainsku vápnafyritøkuni, Fire Point, loyvi at gera rakett-brennievni á danskari jørð næstu fýra árini.

Sí eisini: Danmark keypir verjuútgerð fyri 58 milliardir