Børn í Tórshavnar kommunu sleppa í nærmasta skúla kortini

Tórshavnar Kommuna hevur fingið undantaksloyvi frá Barna og Undirvísingarmálaráðnum, eftir at fólkaskúlalógin, sum var samtykt í fjør, gjørdi at børn í kommununi skuldi byrja í skúla langt frá har tey búgva.

Undantakið er fyri í ár og næsta ár sigur Annita á Fríðriksmørk, sum er forkvinna í trivnaðarnevndini í Tórshavnar Kommunu. 

Trivnaðarnevndin er eisini farin í holt at umrøða, kritikkin av at foreldur kenna seg noydd at koyra børnini í forskúla fyri at tryggja sær pláss í ávísum skúlum - men er enn ikki komin til eina niðurstøðu um hvussu tað skal loysast.