Stevnir norska statin fyri menniskjahandil

Um Feed sigur, at Noreg breyt mannarættindi, tá ið hon var ættleidd úr Suðurkorea fyri skjótt 43 árum síðani.

- Eg havi troytt allar aðrar møguleikar uttan úrslit. Seinasta stigi er rættarmál. Eg vóni við hesum at kunnu noyða fram broytingar í skipanini, sigur Uma Feed við blaðið Klassekampen.

Feed var skrásett sum faðir- og móðirleyst barn, men gjørdist seinni greið um, at foreldrini høvdu leitað eftir henni, síðani hon hvarv í 1980'árunum.

- Eg var ikki foreldraleys og funnin á gøtuni, men eg var eitt barn, sum varð tikið frá familju síni, tí ein skipan forvann pening við at fáa meg út úr landinum, sigur hon.

Verður staturin dømdur fyri brot á mannarættindi, kann Feed fáa rætt til endurgjald. Síðani 1970'ini eru meira enn 20.000 børn ættleidd úr útlandi til Noreg, av teimum eru umleið 6.000 ættleidd úr Suðurkorea, sum er størsta einstaka landið.