Tvey nýggj met: Lea setir ferðina upp

Lea Osberg Højsted setir alsamt meir ferð á.

Svimjarin úr Ægi setti tvey føroysk met, tá Susvim Open var í Páls Høll um vikuskiftið. Hon átti sjálv bæði metini frammanundan.

Fyrst svam Lea Osberg Højsted 50 metra bringusvimjing á langgeil upp á 33.88 sekund. Gamla metið var 34.01. Síðan setti hon met í 200 metra bringusvimjing á langgeil við tíðini 2:39.27 minuttir, meir enn tvey sekund skjótari enn gamla metið frá FM í fjør, sum var 2:41.81.