- Tíðindi, mentan og ítróttur
Avboð sendir U21-landsliðið til HM
Avboð sendir U21-landsliðið til HM
U21-mandslandsliðið í hondbólti hevur fingið pláss í HM-endaspælinum í Póllandi í summar, tí Ný Sæland hevur givið avboð
Óli Mittún, sum í summar skiftir til GOG, er stóra stjørnan á føroyska U21-landsliðnum, sum nú kortini skal spæla HM
04.02.2025 - 10:08
Føroyska U21-landsliðið í hondbólti hevur fingið óvæntað pláss í HM-endaspælinum í Póllandi í summar.
Føroyska liðið var akkurát ov stutt til at tryggja sær HM-luttøku í EM-endaspælinum síðsta summar, men nú hevur Ný Sæland givið avboð, og tí hevur Føroyar fingið kjansin í staðin, skrivar Hondbóltssamband Føroya.
Lutakastið hevur verið, og Føroyar eru í bólki saman við Íslandi, Norðurmakedónia og Rumenia. HM verður spælt í fýra býum í Póllandi; Plock, Sosnowiec, Katowice og Kielce 18. til 29. juni.
Er kopiera
Nýggjastu sendingar í ÚV
Nýggjastu sendingar í SV
