Danskarar vilja halda fast

Danskarar vilja halda fast
Ein stórur meiriluti av danskarunum vilja hava, at Grønland verður verandi í ríkisfelagsskapinum, vísir ein nýggj meiningakanning niðri, sum Epinion hevur gjørt.
Árni Gregersen, politiskur viðmerkjari
Mynd: Hilmar Jan Hansen  
 
25.01.2025 - 17:39

Samstundis er talið á teimum, sum vilja geva Føroyum og Grønlandi størri sjálvstýri innan fyri ríkisfelagsskapin, vaksið úr 31 upp í 43 prosent frá oktobur til nú.

- Hetta upptekur annars ikki danskarar serliga nógv, tí tað hevur stórt sæð onga ávirkan á teirra gerandisdag, sigur Árni Gregersen, politiskur viðmerkjari.

Kanningin, sum er gjørd fyri DR og Altinget, vísir, at bara 17 prosent av danskarunum vilja hava ríkisfelagsskapin at halda uppat.

Tilsamans vilja 70 prosent av danskarunum hava, at ríkisfelagsskapurin skal halda fram so ella so. 27 prosent, at hann skal halda fram sum nú, og 43 prosent, at hann skal halda fram, men broytast, so Føroyar og Grønland fáa størri sjálvstýri.

Árni Gregersen heldur ikki, at meiningin hjá danska fólkinum hevur ta stóru ávirkanina á tað, politikararnir niðri takast við og halda um ríkisfelagsskapin.

- Tvørturímóti bera tølini í meiningakanningunum boð um, at fólkið fylgir politisku leiðsluni í tí, sum hon ger í løtuni, sigur hann.

 

 

 

 

Er kopiera
Nýggjastu sendingar í ÚV
Mikudag 12. februar
Morgunlestur mikudagur 12.februar 2025
186666
Týsdag 11. februar
LEITISSTEIN 11.02.2025 (Jazzygold)
187652
Týsdag 11. februar
Kvinnur í ítrótti (1:6)
187313
Nýggjastu sendingar í SV
Mikudag 12. februar
Merkja grind
187663
Týsdag 11. februar
Veðrið
187639
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534
Fríggjadag 7. februar
Veðrið
187497