Grønland fer til USA at samráðast - um fótbólt

Grønland fer til USA at samráðast - um fótbólt
Í mai mánaði í fjør søkti grønlendska fótbóltssambandið um limaskap í Norður- og Miðamerikansku fótbóltssamgonguni CONCACAF. Í næstum byrja samráðingar um limaskapin í Miami
Grønlendingar vilja hava limaskap í fótbóltssamgonguni CONCACAF
Mynd: Grønlendska fótbóltssambandið KAK á Facebook  
 
21.01.2025 - 18:51

Grønlendska fótbóltssambandið KAK skal í næstum til USA at samráðast um at gerast limur í CONCACAF, sum er fótbóltssamgongan hjá londum í Norðuramerika, Miðamerika og Karibia.

Tað boðar grønlendska fótbóltssambandið frá í tíðindaskrivi.

KAK søkti í mai í fjør alment um at gerast limur í CONCACAF, og beint fyri jól fingu grønlendingar eina innbjóðing um at koma til samráðingar í Miami, har CONCACAF hevur sína høvuðsskrivstovu.

Kenneth Kleist, formaður í grønlendska fótbóltssambandinum, leggur dent á, at fundurin í Miami hevur onki at gera við politisku støðuna, sum er íkomin í sambandi við Grønland.

Hann hevur góðar vónir um, at Grønland kann fáa limaskap í CONCACAF. Hann vísir á, at sum er eru 10 av limalondunum ikki limir í olympiska felagsskapinum IOC, og 12 av limalondunum eru antin fyrrverandi hjálond ella hoyra undir onnur lond.

Umsóknin hjá KAK verður stuðlað av danska fótbóltssambandinum DBU og av grønlendska ítróttasambandinum.

Er kopiera
Nýggjastu sendingar í ÚV
Hósdag 6. februar
RagnarRokk 6.februar 2025
185815
Hósdag 6. februar
RagnarRokk: Nicke Andersson um Overdriver
185814
Hósdag 6. februar
Ragnarrokk: Nate Garrett um Faded Dream
185812
Hósdag 6. februar
Andarblak - Hann ger gimsteinar úr dusti
187441
Nýggjastu sendingar í SV
Mikudag 5. februar
Dagur og vika - teknmálstulkað
187371
Týsdag 4. februar
Veðrið
187342
Sunnudag 2. februar
Ítróttafagnaðurin 2024
187188
Sunnudag 2. februar
Guðstænasta úr Kirkjubøar kirkju
187196
Fríggjadag 31. januar
Veðrið
187155