FK gevst at senda tilboðsblað til øll húski

Føroya Keypssamtøka gevst nú við at senda tilboðsblað - sonevnda FK blaðið - út til øll húski í Føroyum.

Keypssamtøkan ásannar, at hóast tað verður roynt at prenta so burðardygt sum gjørligt, so er tað ein sannroynd, at nógv av hesum tilboðsbløðunum enda í ruskspannini uttan at verða lisin. Samstundis hava tilgildar loysnir vunnið fram.

Keypssamtøkan fer í staðin at gera ein faldara við tilboðum, sum skal liggja frammi í FK-handlunum.

Seinasta FK-blaðið verður borið út til húsarhaldini mánadagin 27. januar, skrivar Keypssamtøkan í tíðindaskrivi.

Hoyr samrøðu við Bo Møller Hansen, marknaðarleiðara í FK: