Nýggj sending: Bragdið í Berlin 

Føroyingar í túsundatali sótu sum á nálum í Mercedes-Benz Arena, tá Elias Ellefsen á Skipagøtu stóð yvir av norska málverjanum Torbjørn Bergerud við bóltinum í hondini og fáum sekundum eftir á klokkuni.  

Heima í føroysku stovunum var støðan hin sama. 

Spælskiparin var knappur, sendi bóltin til høgru í netið og allar føroyingar í dreymaland. Føroyar høvdu spælt javnt ímóti Norra og tryggjað sær stig í sínum fyrsta EM-endaspæli. 

Á sjálvum ársdegnum 13. januar fara vit aftur um søguliga bragdið í Berlin saman við Eliasi Ellefsen á Skipagøtu, Peter Bredsdorff-Larsen og fleiri av hinum høvuðspersónunum í søguliga dystinum ímóti norðmonnum. 

Bragdið í Berlin verður send í sjónvarpinum mánakvøldið klokkan 20.00. 

Símun Christian Olsen og Ragnar A. Jacobsen leggja til rættis.