Rentan hækkar og lækkar ikki tað sama í Føroyum

Orsøkin til, at rentan ikki lækkar líka nógv sum rentan hjá danska tjóðbankanum er, at tá rentan byrjaði at hækka í 2022 og endaði við at hækka við umleið fýra prosentum, tá hækkaðu føroysku peningastovnarnir ikki rentuna líka nógv

Tað sigur Jean Djurhuus, forstjóri í Betri Banka, tá vit spyrja hann, hví bankarnir halda aftur, tá fyrst evropeiski miðbankin og síðan danski tjóðbankin lækka renturnar.

Í tíðindunum leygarkvøldið var eitt innslag um rentulækkingar og í tí varð tosað um júst hetta fyribrigdi, at føroysku bankarnir ikki lækka renturnar líka nógv sum miðbankin og tjóðbankin.

Nýggjasta rentulækkingin er tann fjórða í ár, men har miðbankin og tjóðbankin hava lækkað rentuna við einum prosenti tilsamans, hava føroysku peningastovnarnir lækka sína rentu við 0,8 prosentum tilsamans.

Forstjórin í Betri Banka leggur afturat, at av tí at útláns- og innlánsrenturnar fylgjast, so hevur munurin við sær, at tey sum hava pengar standandi á bók fáa eitt betur avkast av tí rentan ikki lækkar líka nógv sum rentan hjá Tjóðbankanum.