Góð skoðsmál, men vunnu ikki 

Halla Tómasdóttir, forseti Íslands, kunngjørdi vinnaran.

Hon segði millum annað, at matur sameinir okkum øll og tað kann eisini sameina okkum, tá ið talan er um mál sum veðurlagsbroytingar, náttúru, hav og Arktis.  

Kappast varð í Hørpu í Reykjavík.

Góð skoðsmál

Sebastian Jiménes Garcia, høvuðskokkur á matstovuni Ræst, umboðaði Føroyar í finaluni.

Jógvan Winther Poulsen, hjálparkokkur hjá Sebastiani í finaluni, segði, at dómararnir góðu føroyingunum góð skoðsmál, men tað rakk ikki á ovasta tindin.

kokkakapping_3.jpg

Finalistarnir skuldu vísa sínar matlistarligu førleikar, við at gera rættir, ið lýsa ríku og burðardyggu rávørurnar í arktiska køkinum. 

· Forrættur: Saltfiskur, smakkaður til við tara úr Føroyum.

· Høvuðsrættur: Lambshjarta og lambshálsur, við berum úr Noregi og øli úr Grønlandi.

· Omaná: Rabarbur, saman við skyr úr Íslandi.

kokkakapping_island.jpg

Høvuðskokkarnir saman við Hallu Tómasdóttir. (Mynd: Gutti Winther)