Nú eru 80 limir í stevningini móti Lærarafelagnum um lokaupphædd

Hósdagin verður aftur fyrireikandi fundur í Føroya rætti um lokaupphæddina hjá limunum í Lærarafelagnum.

Í januar í ár stevndu 68 limir í Lærarafelagnum felagnum.

Nú eru 80 limir við í stevningini.

Tey vilja, at avgerðin á aðalfundinum 29.apríl í fjør, um at strika lokaupphæddina í samlagstryggingini hjá limunum, verður gjørd ógild.

Lærarafelagið krevur frídøming.

Stórur meiriluti fyri

Á aðalfundinum í fjør atkvøddu 280 fyri at strika lokaupphæddina. 61 atkvøddu ímóti.

7. juni í 2000 var einmælt avgjørt á aðalfundi at broyta eina samlagstrygging, so limirnir fingu 100.000 kr., tá tey fyltu 67 ár.

Hetta gjørdi, at limirnir vóru bundnir at rinda til skipanina.

Á aðalfundinum í fjør kom ein limur við uppskoti um, at lokaupphæddin var strikað fyri allar limir alt fyri eitt. Og tað var samtykt.

Sjálvt rættarmálið er ikki dagsett enn.