Yvir 13 milliardir í almennum útreiðslum

Almennu útreiðslurnar í Føroyum hava ongantíð verið so stórar sum í fjør.

Tær vóru slakar 13,2 milliardir krónur.

Í 2022 vóru tær slakar 12 milliardir, skrivar Hagstovan.  

Almennar útreiðslur eru allar útreiðslurnar hjá almennari fyrisiting og tænastu.

Almennu útreiðslurnar vera býttar á virkisøki. 

Virkisøkið er í tveimum stigum. Har eru 10 høvuðsbólkar og 69 undirbólkar.

Størsti høvuðsbólkur í fjør er almannavernd. Hon kostaði 4,6 milliardir.