Avdúka nýggja miðbýarætlan fyri Fuglafjørð

Avdúka nýggja miðbýarætlan fyri Fuglafjørð
Seinastu vikurnar hevur ein dómsnevnd mett um uppskotini frá EyA, Map og Henning Larsen NA, sum kommunan bjóðaði til hugskotskappingina
Miðbýarætlan fyri Fuglafjørð verður avdúkað klokkan 17. (Savnsmynd)
 
18.06.2024 - 15:25

Ein nýggj miðbýarætlan fyri Fuglafjørð verður avdúkað klokkan 5 seinnapartin.

Miðbýarætlanin skal styrkja verandi møguleikar, styrkja samleikan í økinum og fáa eindirnar í býnum at finna saman. Samstundis er høvuðsendamálið at økja trivnaðin, leggja upp til nýggj bústaðarmynstur og skipa ferðsluna á tryggan hátt, sigur kommunan.

Kappingin er ein innboðin arkitektakapping, skipað sum ein hugskotskapping, ið er útskrivað eftir reglunum hjá Arkitektafelag Føroya.

 

Tríggjar teknistovur

Fuglafjarðar kommuna bjóðaði teknistovunum EyA, Map og Henning Larsen NA við í  hugskotskappingina. Arkitektafelag Føroya hevur ráðgivið kommununi í tilgongdini.

Freistin at lata hugskot til miðbýarætlan fyri Fuglafjørð var 24. mai.

Seinastu vikurnar hevur ein dómsnevnd, sett saman av fakdómarum, býráðspolitikarum og starvsfólki úr umsitingini, mett um uppskotini, og í dag klokkan 17 fer nevndin at avdúka niðurstøðuna.

Samlaða upphæddin til virðislønir, innkeyp og samsýningar er 750.000 kr.

Øll eru vælkomin, sigur Fuglafjarðar kommuna.

Er kopiera
Nýggjastu sendingar í ÚV
Hósdag 6. februar
RagnarRokk 6.februar 2025
185815
Hósdag 6. februar
RagnarRokk: Nicke Andersson um Overdriver
185814
Hósdag 6. februar
Ragnarrokk: Nate Garrett um Faded Dream
185812
Hósdag 6. februar
Andarblak - Hann ger gimsteinar úr dusti
187441
Nýggjastu sendingar í SV
Mikudag 5. februar
Dagur og vika - teknmálstulkað
187371
Týsdag 4. februar
Veðrið
187342
Sunnudag 2. februar
Ítróttafagnaðurin 2024
187188
Sunnudag 2. februar
Guðstænasta úr Kirkjubøar kirkju
187196
Fríggjadag 31. januar
Veðrið
187155